13 ERRONKA BIZITZEKO, 13. EGUNEAN

1. Maite zaitut, ez zu zeu zarena zarelako... zurekin nagoenean ni neu naizena naizelako baizik.
2. Ez ditu inork merezi zure malkoak, eta zure malkoak merezi dituenak ez dizu negar eginaraziko.
3. Norbaitek zu zuk nahi bezala ez maitatzeak ez du esan nahi ez zaituela bere izate osoaz maite.
4. Eskutik hartu eta bihotza ukitzen dizuna, hura duzu benetako adiskide.
5. Inor arrotz izateko modurik txarrena: ondoan jarrita egon eta jakin, ez duzula hura zeure izango sekula.
6. Ez utzi inoiz irribarre egiteari, ezta triste zaudenean ere, ez baitakizu inoiz nor maitemin daitekeen zure irribarreaz.
7. Pertsona bat bakarra izan zaitezke munduarentzat, baina zu mundua zara pertsona batentzat.
8. Ez pasa denborarik, zurekin denbora pasatzeko prest ez dagoen harekin.
9. Agian Jainkoaren nahia da, zuretzat egokia ez den jende asko zuk ezagutzea, zuretzat egokia den pertsona ezagut dezazun arte. 
10. Ez negarrik egin, zerbait bukatu delako, egin irribarre gertatu zelako.
11. Beti egongo da min emango dizun jendea, beraz egin behar duzuna zera da: KONFIANTZA IZATEN JARRAI, ETA SOILIK ARRETA GEHIAGO JARRI KONFIANTZA BI ALDIZ NORENGAN JARTZEN DUZUN. 
12. Bihur zaitez pertsona hobea, eta jakin ezazu ziur nor zaren, beste norbait ezagutu eta hark nor zaren jakitea espero izan baino lehen.
13. Ez egin hainbeste ahalegin; gutxien espero duzunean gertatzen dira gauzarik onenak. 

(Gabriel Garcia Marquez)

HOBE DA EMATEA HARTZEA BAINO

ARIMAREN BEGIAK

Bihotz bat ez urratzea lortu badut,
ez naiz alferrik ibili.
Min bat gozatzea, pena bat arintzea
edo birigarro gaixoa berriro habiaraztea lortu badut,
ez naiz alferrik ibili.
Hutsa bada ere,
egin dudantxoa besteari laguntzeko egin badut,
ez naiz alferrik ibili.

Alferrik dabil, bere barruan antzu geratzen dena.
Alferrik dabil, minez dagoenaren albotik igaro eta
aurrera pasatzen dena.
Alferrik dabil, beti ondasunak pilatzen eta
sekula ez banatzen bizi dena.

Azkenik ere, oroitzen dut Hark esandakoa:
HOBE DA EMATEA
HARTZEA BAINO.

CHANSONS D'AMOUR liburuko olerkien errezitaldia

OLERKI ERREZITALDIA            

Maiatz argitaletxeak Ainara Maia Urroz irundarraren -Chansons d'amour / Ilargi beterik gabeko gaua- kaleratu du, «Amodiozko atsegin, minak eta esperantzak» agertzen dituena. Gaur egun Txekian irakasleak, urtarrilaren 18an 7:30etan  aurkeztuko du bere azken olerki liburua Kabigorri Ateneoan.

 
RECITAL DE POESÍA

Ainara Maia Urroz presenta su poemario -Chansons d'amour / Ilargi beterik gabeko gaua- . La cita será el día 18 de enero a las 7:30 en el Ateneo Kabigorri.

Ainara Maia enseignante et poète,elle exprime les espérances et désillusions de l’amour, un chemin qu'éclaire la poésie.

ILARGIA

Ilargia eguzkiaren argia islatzen duen ispilua da, eta bere faseetan dosifikatzen du gauez argi hori Ilargiak. Horrela, bizidun ororen erritmoa markatzen du, bai kanpoan bai barnean. Ilargia iman boteretsu bat da, eta itsasoaren gora-beherak mugitzen ditu, baita planetako ur guztiak nahiz barne-isuriak erregulatu ere.

Antzina, ilargiarekiko harremana zuzena eta intentsoa zen, eta jarduera oro hark gidatzen zituen: ereitea, uzta jasotzea, biltegiratzea, animaliak nahiz landareak zaintzea, elikatzea, pertsonoi edertasuna eta osasuna ematea. Ilargiarekin berriro harremanetan jartzerakoan, jakintza baliotsu horiek geureganatzen ditugu berriro, senean sakonduz eta izaeraren alde ikusezinarantz hurbilduz.

FASEAK
zikloak gutxi gorabehera 29 egun irauten du. Egunero ilargiak eguzki-argiaren alde ezberdinak jasotzen ditu, eta faseak osatzen ditu: ilgora, ilbera. Etapa bakoitzak bizpairu egin eragiten du, ilbeteak izan ezik, sei egunetan sumatu baitaiteke haren eragina.

ILARGI BERRIA EDO ILARGI BELTZA
Hilabetearen amaiera eta hurrengo hilabetearen hasiera markatzen du. Energia fisikoa bere adierazpen minimoan dago. Oso barneko momentua da, mundu inkontzientearekin konektatzeko unea, baita bestelako dimentsioekin ere. Gorputza desintoxikatzeko egoera oso onean. Horregatik oso ona da barau egitea edo balio ez duen guztia botatzea. Fase hau ez da ona ezer berririk hasteko, ezta kontratuak sinatzeko ere. Baina onena egin behar dena egitea da, hala ere, gertatzen dena behatuz, egoerak aztertuz eta sentitzen utziz... horrela gugatik beretik ikasten dugu.

ILARGI BERRIKO AMETSAK

Sinbolismoz kargaturikoak izan ohi dira. Eraldatze-prozesuan dagoen edozein alderdirekin zerikusia dute. Edo gure bizitzan ereiten ari garen edozein gairekin zerikusia duena.

HAZI-ILARGIA
Hazkuntza-haste handiko energia du, egitasmo bat ereiteko aproposa, ideia bat, edo hastera doan zikloaren kontzientzia hartzeko. Zerbait inkontzienteki ereiten badugu, gero hori bera jasoko dugu. Barne-egoerari arreta jarriz gero, benetan ereiten ari garena sumatuko dugu. Zalantza egiten badugu, edo ez badugu segurtasunik, hori ereiten arituko gara hain zuzen ere. Eta jasoko duguna gure segurtasun-ezarekin bat etorriko da.

ILGORA
Energia handituz doa, kanporantz. Birsortze, hornitze eta jasotze fasea da; energiak biltzen dira eta indarrak osatu. Hazi-ilargitik ilargi betera doazen bi asteak bikainak dira gorputza eta bere organoak berrosatzeko eta sendotzeko; beti ere emaitza hobeak emango ditu ilberan eginez gero.

ILGORANTZ
Ilgora  garai sozialena da. Gauza berriak ikusteko, ezagutzeko eta egiteko gogoa. Sortu duguna aurkezteko une ona da, lokal berri bat zabaltzeko edo hitzaldi bat emateko. Publikoak gauza berri bat entzuteko interes handiagoa izango du.

ELIKADURA

Asimilazio altuko garaia denez, gizentzeko joera baduzu, KONTUZ! jaten duzun guztia bilduko duzu, eta alderantziz; gizendu beharra baduzu, etapa egokia da gehiago jateko, zure gorputzak hartuko baitu.

ILBETEA
Argia intentsoa da, energia bere osotasunean. Hori ospatu dezakegu lagunartean biribilean elkartuz edo besta espiritual bat eginez, dantzekin, kantuekin... Ilargi betea aproposa da erritualak, festak eta maitasuna egiteko. Energia fisikoa bere gorenean dago. Unerik onena da zerbait gizartean aurkezteko. Ilargia oso boteretsua bada, eta desorekaturik bagaude, gain hartu dakiguke. Erein duguna loratzen da, erantzunak irits daitezke gugana, opariak edota ikaskizunak. Jaso behar duguna iritsiko zaigu.

ILARGI BETEKO AMETSAK

Ilargi beteko gauetan amets oso argiak eta argigarriak ukan ahal ditugula, izan ere inkontzientetik kontzienterako bidea zuzenagoa baita, irekiagoa eta energia gorantz isurtzen baita.

UZTA-ILARGIA
Erein dugunaren fruituak jasotzeko unea da, eta egun horiek ilbeteko energiaz blaiturik daude.

ILBERANTZ
Ilbera osoan ez da ona egitasmorik hastea, ezta ezer berririk ere, ez baita energiarik ukaiten ezer gauzatzeko. ez dezagun kontraturik sinatu edota konpromisorik ezarri. Baina garai aproposa da gauzak bukatzeko eta itxi gabeko "kapituloak" edo atalak ixteko.
Ilbera garaiak energiaren buelta dakar: fisikoki garatu beharrean, barnekoa edo senezkoa bilakatzen da energia. Fase honek guztiak beherakada, luzapena, energiaren atsedena esan nahi du. Gorputza desintoxikatzeko egokia da, Ilargiak joera hori baitu. Bulkada hori onuragarria da barau egiteko, garbiketa sakona egiteko, baita gorputza sendotzeko eta sendatzeko.

ILBERA
Gorputza garbitzeko une egokia da, behar ez duguna uzteko eta botatzeko. Eskuartean genuena osatzeko edo bukatzeko etapa bat da. Kontuan hartu behar da hilabetea bukatzear dela.

 EBAKUNTZA KIRURGIKOAK

Egin behar badira, ilbeheran egitea da onena. Hala ere, beti begiratu behar da zein zeinutan dagoen ilargia. Bere garaian Hipokratesek honako hau irakatsi zuen: "une horretan ilargia dagoen zeinuak gidatzen duen gorputz-atala edo organoa inoiz ere ez operatu". 

Gaineratu zuen: "medikuntzan jarduten duenak ez badu izarren jokaera kontuan hartzen, ergela da".

Gaur egun, ikertu beharko litzateke laser errainuen bidez egindako ebakuntzekin zer gertatzen den, izan ere Hipokratesen garaian ebakuntzak metalezko tresnekin egiten baitziren. 

ILEA MOZTEA

Ilgoran moztuz gero, bizkorrago eta luzeago haziko da. Poliki eta bizitasun handiagoz haztea nahi badugu, ilbeheran moztea onena. Ilea ahula bada eta erortzen bada, fase honetan mozteak sustraietatik indarrez ateratzea ahalbidetuko du. Ilargi betea denean moztea ona da sendatzeko eta oparo hazteko. 

ILARGIA ETA GORPUTZA
Ilargiak eragin handia hedatzen du gorputz-ataletan zeinu desberdinetatik pasatzen denean. Zeinu bakoitzak gorputz-atal bat agintzen du, zenbait organo eta funtzio. Neurri prebentibo, sendagarri, indargarri orok bikoizten dute euren eragina une horretan ilargia pasatzen den zeinu bakoitzak agintzen duen organo eta gorputz-ataletan. Ebakuntza kirurgikoak izan ezik. Adibidez, begiak ez lirateke operatu beharko Ilargia Aries zeinuaren gainetik pasatu baino bizpairu egun lehenago. Era berean, oinak ez lirateke operatu beharko Ilargia Piscis zeinutik pasatzen den egunetan.

ZODIAKOA ETA GORPUTZA
Aries: burua koroatik sudurreraino, begiak, goi-masailezurrak, glandula pineala.
Tauro: behe-masailezurra, lepoa, eztarria, belarriak, tiroidea, metabolismoa.
Geminis: sorbaldak, besoak, eskuak, arnasketa, timoa.
Cancer: birikak, bularra, gibela, besikula, urdaila, liseriketa.
Leo: bihotza, odol-zirkulazioa, plexu-solarraren gunea-diafragma, medula espinala. Aditu batzuek diote bizkarra.
Virgo: liseriketa-organoak, sabela, hesteak, barea, pankrea, behe-sabelalde osoa.
Libra: aldakak, giltzurrunak, puxika, giltzurrun gaineko glandulak, obarioak, apendizea.
Eskorpio: sexu-organoak, gernu-bideak, kolon, puxika, uzkia, hustuketa.
Sagitario: bizkarrezurreko behealdea, izterrak, ipurmasailak, nerbio-sistema.
Capricornio: hezur-egitura, bizkarrezurra, belaunak, azala, hortzak, artikulazio oro, ilea.
Acuario: hankak, orkatilak, orpoak eta beren artikulazioak, nerbioak, glandula paratiroidea.
Piscis: oinak, gorputz-urak, sistema linfatikoa, malko-guruinak.

ZODIAKOA, ELEMENTUAK ETA SINBOLISMOA
SUA: hitz gakoa ENERGIA.
Aries: ekimena, gauza berriak hastea, zintzotasuna, bat-batekotasuna, bizitasuna.
Leo: konfiantza eta norberaren kontzientzia, duintasuna, prestigioa, lidergoa, leialtasuna.
Sagitario: helburuak, aspirazioak, egia bilatzea, jakituria, baikortasuna.
LURRA: hitz gakoa GAUZATZEA
Tauro: energia kontzentratua, aberastasuna babestea, kontserbatzea, sustraia, plazera.
Virgo: ordena, lana, metodoa, xehetasunak, kritika, bereizteko gaitasuna, zerbitzua.
Capricornio: errealismoa, irmotasuna, ekonomia, arintasuna, iraunkortasuna, garaipena, boterea.
AIREA: hitz gakoa, KOMUNIKAZIOA
Geminis: aldakortasuna, xaulitasuna, bizitasuna, kuriositatea, hitz-argitasuna, informazioa. 
Libra: jendartetasuna, konpartitzea, kooperatzea, bitartekaritza, abegikortasuna, diplomazia, bakea, estetika. 
Acuario: garapena, askatasuna, ezinezkoa amestea, lantaldea, idealismoa.
URA, hitz gakoa, BELAUNALDIA ETA EMOZIONALTASUNA
Cancer: elikadura fisikoa eta emozionala, sentiberatasuna, etxea, iragana balioestea.
Eskorpio: intentsitatea, pasioa, sentimendu sakonak, birsortzea, sarketa.
Piscis: errukia, moldagarritasuna, arintasuna, ematea, onartzea, barkatzea.

PLANETAK ETA SINBOLISMOA
eguzkia: gure izpiritua, norabidea, helburua, bere bitartez komunikatzen gara kosmos osoarekin.
ilargia: sentimendua, ametsa, amatasuna, jarduera, emozioa, bulkada, urak mugitzen ditu.
mercurio: lengoaia, adimena, kuriositatea, ilargian "ikusten" duena deskodetzen du eta komunikatu.
marte: ekintza, dinamismoa, garbiketa, borondatea, gerlariaren energia.
venus: aspirazio-desioa, plazera, artea, edertasuna, armonia, lurreko maitasuna, janaria.
saturno: egiturak, legeak eta bizi-hatsarreak, oztopo eta pareten maisua.
jupiter: eskertza gozagarria, hedadura, ospakizuna, lege-aplikazioa.
urano: benetako borondatea, iratzargailua, jatorria, iraultzailea, magia.
neptuno: maitasun inkondizionala, izpiritualtasuna, jakituri argia, inspirazioa.
pluton: katarsia, sakona eta gordea, su-probak, kontzientzia ekartzen du.
kiron: zaurien sendatzailea izpiritualki, zubia, ekimena, oreka bilatzeko gakoak.

OSASUNERAKO AHOLKUAK: itzali telebista eta albisteak irakurtzeari utzi. Telebista piztuz gero, eta albisteak irakurriz gero, konektatu argiarekin... 
www.elistas.net/lista/redibericadeluz
www.elistas.net/lista/redanahuak
www.navedevenus.blogspot.com
www.lightworker.com/beacons
www.portaldorado.com
www.spiritofmaat.com
www.emiliofiel.com
www.operationterra.com
www.eraofpeace.com

EGUZKIA

Eguzkia chakra kosmiko itzel baten gisakoa da, eta bertan argia, beroa eta bizitza barneratzen da. Argibideak ematen dizkigu, eraldatzeko argi-kode berriak. Oso garrantzitsua da bere argia begiekin jasotzea. Eguzkitako betaurrekoak gutxiago erabiliko bagenitu, ohituko ginateke eguzkira, eta ez genioke beldurrik izango. Elikadura eta bizitasuna emateaz gain, kontzienteki begiratuz gero, kalitate handiko elikadura igortzen digu Eguzkiak. Eguzki-energiak gaixotasun guztiak sendatzen ahal ditu, eta bere ekintza sendagarria kimioterapia bera baino boteretsuago eta eraginkorragoa da. Hori probatzeko biluzik har dezakegu eguzkia edo arropa arinekin egunean zehar, azalean sar dadin eskatuz eta sendatzeko. Eguzkira hurbiltzen hasteko egunsentian edota ilunsentian begiratzen has gaitezke, bere errainuak leunak direnean, eta presente egonik.

Eguzkiaren urteko zikloak zortzi puntu nabarmen ditu: solstizioak eta ekinozioak, eta lau tarteko puntu, eta horietako bakoitza bizi-prozesu diferente bati dagokio. Erne bagaude, haien energiak probestu ditzakegu eta Lurraren bizi-zikloarekin sintonizatu. Urteko fase horiek euren baliokidea dute Ilargiaren faseekin.

NEGUKO SOLSTIZIOA

Eguzkiaren urte berria, urteko egunik ilunena da eta argiaren sorrera adierazten du, lehen bizitza-mugimendua lokarturik dagoen lurraren barnean.

IMBOLC, KANDELARIA

Neguaren bukaera adierazten du. Inspiratzeko unea da eta egitasmo berrien urteko ereitea. Emankortasunaren misterioaz hitz egiten digu, iluntasunaren sakonetik sortzen dena. Hasiera batean tradizio judukoa zen kandelaria, baina gero kristau-festa batean bilakatu zen eta urte osorako belak bedeinkatzen dira, beti argia izan dezagun.

UDABERRIKO EKINOZIOA

Argia eta ilunaren arteko oreka, bizitasunaren errenazimenduaren puntua adierazten du. Benetako urte berriaren beste egun bat da.

BELTANE

Su argitsuaren festa zeltiarra dugu, alaitasuna, emankortasuna eta sexualitatea. Ospakizuna apirilaren 30eko gauean hasten da, eta biharamuna magikoa da. Tradizio askotan urte berri izpiritualaren hasiera markatzen du, eta oso egokia alde ikusezinarekin komunikatzeko. Natura bere osotasunean dago.

UDAKO SOLSTIZIOA

Argiaren eta eguzki-beroaren gorena da, eta urteko egunik luzeena. Intentsitate handieneko fasea adierazten du.

LUGHNASAD EDO LAMMAS

Antzinako festa zeltiarra da, eta lehen uztaren unea adierazten du, hurrengo uztetarako haziak bedeinkatuz. bere gakoa hau da: jasotakoagatik eskerrak ematea.

UDAZKENEKO EKINOZIOA

Argiaren eta ilunaren arteko oreka da, eta barnerako inflexio-puntua adierazten du. Bizitasuna uzkurtzen edo biltzen da.

SAMHAIN EDO HALLOWEEN

Urte zeltiarraren bukaera da. Egun horretan mundu arteko gortinak oso finak dira, eta aurrekoak eta bizidunak hurbiltzen dira elkar komunikatzeko. Urteko egunik sorginenatzat hartzen da.

BIZITZAREN ZIKLOA

Urteko zikloa hilekoa bezalakoa da, argiaren eta ilunaren elkarreragina erakusten digu, baita energia femeninoa eta maskulinoaren arteko etengabeko dantza, eta naturan bizitzaren garapena markatzen du. Indarren elkarreragin hori ulertzeak gure faseak, gorabeherak eta gauzen ezegonkortasuna onartzea eta ohoratzea ahalbidetzen du, eta ezagutzea heriotza zikloaren zati garrantzitsu dela. Egiatan heriotza ez da existitzen, ERALDATZE ETENGABEKO bat soilik dago.

BEIRA-HAURRAK

2002 urtetik aitzina sortu diren haurrak dira: batasun-kontzientziaz blaiturik datorren belaunaldia da. Sentikorrak, telepatikoak dira, ikusezinarekin konektaturik, lasaiak, eta lankidetzarako kontzientzia dute.

1987 geroztik datorren belaunaldia Indigo deritze: energia indartsua, sakona eta iraultzailea. Beldurrik gabeko umeak ziren. Beira-energia malgua da, sentibera, biribildua, ez da aurka jartzen eta eraldatzera jotzen du, parte hartzera. Ez dira kritikoak, hausnartzaileak baizik. Euren ezaugarriak nahasgarriak dira, ez dira pasiboak, euren barnean dinamika handia dute. Adierazten ez badute ere, izpirituarekin lotura handia dute. Maila ikusezinen oroitzapen oso biziak dituzte.

Lurrak frekuentzia kristalino batean dardar egiten du, eta egiatan ez da belaunaldi kontua, baizik eta bibrazio hori mailaz igotzea esan nahi du. Denok izan gaitezke beira-haurrak.

LEKUKOTASUNAK

Flavio Cabobianco, 1980an sortua, 1986an honako hau esan zuen:

"Patu askoren artean patu bakarra osatzen da. Gizatasunaren patua. Jainkoak ez du denborarik. Denboraz haratago dago. Denboraren barnean dagoen oro hasi eta bukatu egiten da."

Gero, hamaika urte zituela bere liburua argitaratu zuten eta honako hau dator hitzaurrean:

"Gure haurrak sortzen ari dira. Gizaki ezberdinak dira, ez badirudite ere. Ni haietako bat soilik naiz, lehenengoetakoa. Gizateria aldatzen ari da. Izpiritualtasunarekin bat egitea irekiagoa da. Orain haur guztiek bat eginik egon daitezke euren esentzian. Haur jaioberriek negar egiten dute planeta hau oso zaila delako. Haur jaioberriak dena ikusten du, txarra eta ona, faltsua eta egia. Beste planetetan batek nahi duena ikusten du. Ikustea esateko modu bat da, eta haur jaioberri bat ikaraturik dago, eta faltan botatzen du datorren tokiko batasuna. Horregatik, lotzen zaie gurasoei. Gurasoak irekirik badaude, euren ideiak ezarri gabe zainduko dituzte seme-alabak. Garrantzitsuena da tokia ematea, denbora ematea, pentsatzen uztea, hitz egiten uztea. Garrantzitsua da Jainkoaz edo izpiritualtasunaz hitz egitea.

"Ez dago denborarik ez espaziorik. Ez dago polaritaterik. Energiak ispilu-efektua egiten du eta gainerako maila guztietan islatzen da. Dena dago: goikoa eta behekoa, ezaguna eta ezezaguna, handia eta txikia. Dakidan gauza asko dago, baina ez dakit azaltzen. Arima guztiak beti ITURRItik pasa behar dute, edozein mailara joateko. "