KONTZIENTZIA: AZTERTZEN, PROBATZEN, BIZITZEN. OHARTZEA.

HUSTU ADIMENAK ETA IREKI GAITEZEN!

- Askatzen, bizitzen eta bizipenek eraman gaitzaten ikas dezagun. IRATZARRI! POZTU BIZIRIK EGOTEAZ! eta eskerrik asko, nire oroitzapenetako gazte hila, iratzartzeagatik eta bizirik nagoela oroitarazteagatik.

- Hiru ohartze mota daude:

1. Kanpoko munduaz ohartzea: objektuak eta gertaerak orainean zentzuen bidez jasotzea.
2. Barneko munduaz ohartzea: orainean barnean gertatzen zaiguna zentzuen bidez jasotzea.
3. Fantasiaz ohartzea: azaltzearen, imaginatzearen, pentsatzearen, planifikatzearen jarduera mentala.

ORAIN 

ORorengAIN

ORorengAIN

Orain ni, ORorengAIN.

Hori soilik da.

Inongo eskuizkribuk edo zirriborrok ez du bizirauten

espekulatzeko,

erre baititut.

Inongo ediziok ez du datarik,

inprimitutako ezer ez dut bereizten

ez dut zenbakitzen ez eta saiatzen ere.

eusten duzun bezala, bildumagile,

ez duzu balioetsiko.

Ez jarri poema hau zure apalean, kritiko,

paper berezia airean desagertzen baita.

Irakurri; hori da dena.

ororen gain momentua hau da

gure sakramentuaren hostia hartzeko

desagertu aurretik.

Hau da dagoen guztia.

IZAN NADIN NI HOBEA

IZAN NADIN NI HOBEAGO BAT

Nire bizitzan txikitu egin naiz, eta ez dut ezagutzen nire benetako tamaina, eta horren ondorioz, lortu dezakedana baino gutxiago eskatzen diot neure buruari. Egotik abiatuta bizi garenez, garena baino gutxiago garela itxura egiten dugu denok.

Ordenaren Legeak ezartzen du ez dugula nahi duguna lortzen, baizik eta garena.

Sekretua izatean datza, ez egitean. Ekintzaile Kontzienteak bere barnean bere egitasmoan ikustea espero duen hedapena aurkitzen du. Barne-indarra sortzen du. Ikusi nahi duen aldaketa aurreikusten du bere baitan formatan.

Desiratutakoa jadanik errealitatea izanen balitz bezala joka ezazu. Ohartu gabe, horretan egonen zara.

https://www.youtube.com/watch?v=geb6ymB0Li4

Antonio Machado

ANOCHE CUANDO DORMIA

BART LO NENGOELA

Bart lo nengoela

amestu nuen, ilusio bedeinkatua! 

Iturri bat isurtzen zela

ene bihotz barnean.

Esan: ura, zein ubide ezkututik

zatoz nigana

bizi berriko iturburua

bertatik ez baitut oraino edan? 

Bart lo nengoela

amestu nuen, ilusio bedeinkatua! 

Erlauntza bat nuela

ene bihotz barnean;

eta urrezko erleak

bertan egiten zuten

samintasun zaharretatik

argizari zuria eta ezti gozoa. 

Bart lo nengoela

amestu nuen, ilusio bedeinkatua! 

Eguzki bero batek dirdira egiten zuela

ene bihotz barnean;

Beroa zen, izan ere 

berotzen baitzuen etxe guztia;

eta eguzkia zen, izan ere argitzen baitzuen

eta negar eginarazten. 

Bart lo nengoela

amestu nuen, ilusio bedeinkatua! 

Jainkoa berbera nuela 

ene bihotz barnean.