Farmazia gure barnean dago, sendagaia gure baitan, eta honako hauek dira jarraibideak:
- Orainean ardaztu.
- Pertsona baikorrez inguratu.
- Egin mesedeak begiratu gabe nori.
- Atseden hartu.
- Ariketa fisikoa egin.
- Hats emango dizun edo animatuko zaituen musika entzun.
- Meditatu.
- Hitz konstruktiboak erabili.
- Eskerronekoa izan.
- Sanoki jan.
Zorionak bihotz-bihotzez
Udaberriko lore guztioi!
Bedatsean hazten baita esperantza berde
eta loratzen koloretsu gure ametsak;
bedatsean belar berriak hasten dira
uda berri bat iragartzen
eta lore anitzek eta aunitzek laguntzen diote
lan horretan.
Zorionak eta urte berri on bihotzetik bihotzera
Udaberriko lore horiei!
Haize fin hotzarekin batera eguzki-errainuek
bulkatzen gaituzte aitzina,
iraganean bihotzez eta on beharrez egindako akatsetatik ikasiz
etorkizunean bide onean segitzeko gogoz;
udaberriko loreetatik fruitu goxoak erne daitezen itxaropenarekin.
Baina udaberriak ikaratzen nau
beharbada
udaberriko amets eta esperantza hauek
kearen antzera desagertuko baitira.
Agian.
Agian, hitz hauek ongi hartuko dituzuelakoan
idazten dizuet, udaberriko loreok,
agian hil zen, baina agian ez.
Lizardik du agian idazle bezala entzuterik handiena.
Agian, agian egün batez jaikiko dira egiazko xiberotarrak,
egiazko eskualdunak agian bizituko gara geroan ere
menturaz bihar?
Agian xibererazko adieran
geroko desira egingarri baten gisan
hartuko dut dardarati uda berria
nahiz eta udaberriak ni ikaratu,
udaberri amaierako lore isil hau;
agian udaberriko amets eta esperantza hauek
udazkenean fruitu goxoak emango dituzte!
Zorionak, udaberri lore guztiei,
Ene desirarik onena zuentzat.
Maitasunez
Ainara
