Maitasuna amesten ez den amets bakarra, eta nire ametsa ene Lleo berriro
ere ikustea da, lehen bezala, orain eta gero beti elkar maitatzeko eta
elkarri laguntzeko (Ainara Maia)
PROLOGO/ HITZAURREA
Irakurri dudan liburu hau ez da ez on ez txar. Gehiago da "nola" "zer" baino, eta niri buruz gehiago ikasten laguntzen didate bertako hitzok. Arnas hartu. Jakitea eta dastatzea gizakion gauzak. Nigan iratzarri dute orriok zerbait berria, aldaketaren bat edo beste, hazten laguntzen didatenak, nire argia emateko, nire bizitza argitzeko, gero besteenak argitzeko ere.
OHARTZEKO gonbita originala da atal bakoitza liburuan. Banan-banan irakurtzen ditut ipuin bakoitza, eta batetik bestera gutxienez egun bat uzten dut.
BIDAI ON.
MORIR I/ HIL I
Lehenengo gauza da onartzea noizbait hilko garela. Maitasunak minera eramaten gaitu, pasioak frustraziora eta bizitzak heriotzera. Nire heriotza errealitate bat dela onartzea eta nire bukaeraz kontziente izan. Nola gustatuko litzaidake hiltzea?
Egunen batean hilko naiz,
ez dakit noiz
ez dakit nola
maitasunak minera eraman nau
pasioak frustraziora eta
bizitzak heriotzera
eramango nau.
Egunen batean hilko naiz
noizbait
baina ez edonola
ene senarraren alboan...
seme-alabez inguratuta
biloben begiradapean
lasai, ohean
egin dudan guztia
maitasunez eta onez egin dudan sentipenarekin
BIZI ETA MAITATU dudalako.
DE MIS AMIGOS ANONIMOS: "EL INGLES"/ NIRE LAGUN ANONIMOENGANDIK: "INGELESA"
Ezkongabe egoteak bere eragozpenak ditu, baina ezkondurik egoteak ere bere eragozpenak ditu. Guztiak du bere alde ona eta txarra.
VIA LIBRE PARA TODOS MIS COMPAÑEROS/ NIRE KIDE GUZTIENTZAKO LIBRE
Bizipoza, gozatu, alaitasuna, itxaropena, itxarokizuna, ezustea, grina, pozik, asebeterik, festa, ilusioa, barrea, dibertitu, maitemindurik, zoriontsu, energia...
buru-bihotzean hori guztia bizi dut ene maitearekin orain eta beti familia bat osatuz.
Denborak eta energiak osatuko du ideia hori, egikaritu, arnastu.
LAS PERLAS DEL COLLAR/ LEPOKOAREN PERLAK
Banan-banan.
SHOCK.
Bat-batean dena galdu:
lana, bikotea, osasuna.
Perlazko lepokoa puskatu eta
perla guztiak lurrean barreiatuak.
Gainerako gauza garrantzitsuak ahaztu eta
perlak banan-banan biltzeari ekin.
KLIK
Banan-banan nere bizitza osatzen joan.
Shock-etik klik-era
eta berriro hasi, pixkanaka.
LA TERMICA/ TERMIKOA
Orriotatik, hitzotatik barneko zerbait doa gora, haratago ikus dezagun. Kontzientzia zabaldu. Argitu gehiago eta hobe. Igo, hegan egin.
EL ARBOL DE LA PAREJA/ BIKOTEAREN ARBOLA
Maitasuna gauza erraza, ala?
Bikotearen hasiera maitasuna da, baina sentimenduak nahikoak al dira bikotean egon ahal izateko?
zuhaitzaren irudira etorriz, maitasuna sustraia da. Maitasuna baldin badago energia dago, eta bizigarri gisa segurtatu behar dut energia hori ibil dadin.
Sustraia eta bizigarria zirkulatzen, enborra irmo dago.
Maite dut? esaten al diozu? biontzako denbora eta energia ematen al diozue? intimitatearen eremua zaintzen al da?
Harrokeria bikote batean pozoia da, zuhaitza pozoitzen du.
Ez aldendu hurbildu nahi duzuna, ez kaltetu eraiki nahi duzuna. Hobe hartu arnas eta gero itzuli.
Merezi du bikotea zaintzea, hazarazi, eta merezi du zuhaitz hostotsua izatea.
Merezi du bikotea zaintzea,
hazten uztea
eta merezi du zuhaitz hostotsu eta mardul izatea
maitasuna den sustraiekin.
Maite nuen Leonat, ikaragarri
Asko maite ninduen Leok.
Asko maite dut Leonat.
Baina maitasuna eta sentimenduak nahikoak ote dira?
Maite zaitut,
zu gabeko penak
zu gutxiago zarelako.
¿PARA QUE? /ZERTARAKO?
Energia mugatua da
lehenik zer nahi dudan jakitea da
eta gero zertarako nagoen hemen.
Egiten dudanaren zentzua argitzea
egitekoarekin alineatuz,
orientatzean laguntzen dit.
zertarako? berritzeak
uneoro egokitzen laguntzen dit.
MENTE CONCIPIO
Nire aukera da:
eraiki edo suntsitu
ene bizitza.
Ez dago beste aukerarik:
eraiki edo suntsitu.
Nire erabakia eraikitzea
oztopo guztien gainetik
ELKARREKIN ERAIKITZEN HASI GINEN
GURE MAITASUNEZKO ZUBIA.
IDENTIDAD/ NORTASUNA
Erabat maitemindurik nago.
erabat maitemindurik egoteak
ez nazala ahantzarazi nor naizen.
NI NAIZ DENA
ETA BESTEA ERE DENA.
WILLIAM C. MORRIS
Mundu honetatik behin bakarrik
igaroko naiz
nik esan dezakedan hitz atsegin bakar bat bada ere,
egin dezakedan ekintza nobleren bat,
esan dezadan hitz hori
edota
egin dezadan ekintza hori
ORAIN.
Izan ere, ez bainaiz gehiago
hemendik pasatuko.
A COMER, QUE HAY MAS DE CIEN PLATOS PARA ELEGIR!/ JATERA, AUKERATZEKO EHUN PLATERETIK GORA BAITAGO!
Jaten duguna gara,
baina kontuz eguneroko pozoiarekin
bufet librean denetik dago,
ehundik gora plater
eta aukera dezagun on egiten diguna.
EDUCAR, ¿PARA QUE?/ HEZI, ZERTARAKO?
Hezkuntzaren helburua ez da ezetz esatea edo seme-alabei dena konpontzea; hezkuntzaren helburua da seme-alabei autonomia lortzea irakastea.
NECESITO/ BEHAR DUT
Berarekin hitz egin behar dut;
ikus nazan eta ikus dezadan
entzun diezadan eta hitzegin diezaiodan
senti nazan eta senti dezadan.
Jakin nahi dut zergatik eta nola utzi dion
ni maitatzeari
esan nahi diot
mundu honetan gehien maite dudan pertsona dela
eta onartuko dudala bere askatasuna niri ez esateko
baina bai esaten badit
benetako mirari bat izango da,
bateratutako bi arimena.
MORIR II/ HIL II
Bizitza eta heriotza ulertzeko modu asko daude. Izpiritua, arima, esentzia edo bihotza geure barnean erretzen duten gauzak dira. Haren argia emankorra da eta besteei zabaltzean pizten da. Izpiritua erretzen da eta suaren gisa ingurua aldatzen da. Horrela ulertzen dut bizitzaren eta heriotzaren zentzua, eta horrela zabaltzen dut nire argia gaur.
Ilargi betea atera da
eta gaur ene arimaren eta bihotzaren argia zabaltzen hasiko naiz.
EL ANGEL DE LAS ILUSIONES/ ILUSIOEN AINGERUA
Ilusioen aingerua gauero etortzen da oparitzera; KRISIA zorte bat da, presta nadin aldaketarako!
Triste nago
ene maitea faltan dudalako
goza dezadan tristura hori
gaur mintzen nauen maitasun hau bera da
pozten nauena.
Maitasuna, ilusioak, ideiak eta gogoberotasunak
nirekin ditut,
eskuzabal barreia ditzadan
eta milioika biderkatuko dira.
Ilusioen aingeruak bart piztu ditu banan-banan
bihotz guztien argia.
Horregatik gaur gauean, liburu hau itxiko dut
eta leihora joanen naiz,
itxaroten nauen izarrari begiratu
eta nire bihotza irekiko diot.
COMIENZA EL SEGUNDO TIEMPO/ BIGARREN DENBORA HASTEN DA
Bizitzaren partiduan denetik gertatzen da, baita galtzea ere, baina ongi jokatuz eta irabaztera ateraz jokatu baldin bada ere, berdinketa, irabaztea edo galtzea gutxienekoa da.
NI NAIZ ARDURADUN.
Hazi, armonian egon, besteak berdinetik berdinera onartu eta ulertu, ingurunea zaindu. Nire argiaz distira egin eta gizaterian gehitu umilki.
A VECES/ BATZUETAN
Batzuetan IZATEAZ gozatzen dut.
SERENDIPITY
Aurkikuntza baliotsua. Beste gauza bat bilatzen ari naizelarik aurkitzen dudan altxorra. Begirada berri bat, zabala. Munduan altxor itzelak daude bizirik gaudenontzat.
https://www.youtube.com/watch?v=ePU2Ux9JIMM
LA QUEJA ¡QUE HISTORIA TERRIBLE!/ KEXA, ZEIN ISTORIO IZUGARRIA!
Kexarik gabe ideiak jaso eta konponbidea bilatu: eraldatu kexa aukera batean, irtenbide batean.
BALANCE/ BALANTZEA
40 URTE DITUT
eta ordu da bizitzari eskerrak emateko
eta ematen hasteko.
Bizitzar eman nahiko nuke
seme-alabak utzi agian
ez ahal da beranduegi izango!
Balantzea positiboa izan da
baina bihotzean min dut
nahiko nuke ene bikote ohia nigana itzultzea
baina hori ez dago nire esku
zorioneko naiz familia ederrak zaintzen nauelako
baita adiskide onek lagundurik ere.
ORACION DE LA GESTALT/ GESTALT-aren OTOITZA
Ni naiz ni eta zu zara zu
nik neurea egiten dut eta zuk zeurea.
Ni ez nago mundu honetan
zure itxarokizunak betetzeko
ezta zu ere nireak betetzeko.
Ni naiz ni eta zu zara zu
eta kasualitatez berriro elkartzen bagara
EDERRA izango da
bestela ez du erremediorik,
bestela ere ongi egonen naiz, maite,
familiak eta lagunek zaindurik.
AXEL Y EL DENTUDO/ AXEL ETA HORZDUNA
Bizitzaren errepikapenak aukera berriak dira akats berak ez errepikatzeko.
FERNANDO MATÓ A LA GALLINA/ FERNANDOK OILOA HIL ZUEN
Gaur gauean ez ahal dut nire bizitzako urrezko arrautzen oiloa hilko. Banan-banan gozatuko ditut bizitzako plazerak, minutuz minutu.
RUBEN EL GRANDE MAS CHICO O EL CHICO MAS GRANDE/ RUBEN HANDI TXIKIA EDO TXIKI HANDIA
IZAN ezarekin ere, funtsezkoa da jolastea eta irribarre egitea.
ROMAN VIVIA ATAREADO/ ROMAN LANPETURIK BIZI ZEN
Hobeki banago ere, ezetz esaten dut.
Ezetz esaten jakitea osasuntsua da: gelditu eta ezer egin gabe egotea.
LA INCONCLUSA DE RAUL/ RAUL-EN BUKATUGABEKOA
Egin gabe uzten ditugun gauzak -bukatugabeak- hazten dira eta itzuli egiten dira behin berriz gure arreta eskatuz eta gure energia hartuz gure bizitzako krisietan.
LUCAS 6:44
Zuhaitza bere fruituengatik ezagutzen da.
MORIR III TERESA CONTÓ SU DOLOR / HIL III TERESAK BERE MINA KONTATU ZUEN.
Mina kontatzearen garrantzia eta arnastea, norbera IZATEA.
MINA KONTATZEAN HAINBAT GAUZA DESKUBRITU NUEN:
nirekin ene maitea ez dagoelako sufritzen nuela,
bera gabe segitzearen beldurrez sufritzen nuela,
bera gabe segitu nahi ez nuela,
jadanik ez zirela izango gehiago proiektu batzuk eta norabidez aldatu behar nuela,
amorrua sentitzen nuela hark ni uzteagatik eta hain azkar etsitzeagatik.
Bera ezagutu aurretik zoriontsu nintzela ahantzi zitzaidan.
URTEBETE HONETAN bidea bakarrik egin dut
eta erabat ongi ez banegoen ere
hasieran ezinezkoak ziruditen gauzak egitea lortu dudala.
Gaizki sentitu naiz.
Bizitzeko gogorik gabe, baina sakonki arnasarekin konektatu -nirekin-
eta ni neu izatea erabaki dut.
Hazten ari naiz.
FEDERACION INTERNACIONAL DE DERRAMADORES DE HIDROCARBUROS
Adi egongo naiz ibai eder baten urez gozatzeko.
Zaindu dezagun planeta, etxea, gorputza, geure burua...
BAILEMOS, LA VIDA INVITA!
Dantza gaitezen, musika neure barnean nago eta mugi naiteke. Banabil. Nire barneko jeinu sortzailea pizten dut, orkesta askatzen dut, nire gorputzari baimena ematen diot. Dantza gaitezen, bizitzak deitzen nau!
Onartu, besarkatu bizitzako egoera guztiak eta hala ere dantza egin.
DESENCANTO, DESENCUENTRO
PRESENTZIA: benetako kontaktua, pertsona sentitu, ikutu, hitz egin...
Ordenagailuen garaian erraza da konektatzea eta deskonektatzea,
edozein tokirekin kontakta dezaket baina ezin dut zurekin kontaktatu.
Harremanak zailagoak dira orain, inork ez baitu denborarik hartzen maitemintzeko, maiteminarazteko;
elkarrizketak testu bilakatu dira, argudioak telefono-dei, sentimenduak indirekta.
„Maitasuna“ hitza testuingurutik kanpo erabiltzen da, segurtasun eza pentsatzeko modu bat da, zeloak ohiturazko bilakatu dira, engainatzea istripu, eta mindua izatea gaur egun naturala da. Ez da bikote harremana bakarrik. Gehiago da giza harremana orokorrean.
Denbora hartu behar dugu elkar begiratzeko, entzuteko, sentitzeko eta adierazteko, elkarrekin barre egiteko, elkarri galdetzeko, elkar ulertzeko, elkar onartzeko, sentitzeko. Bata bestearekin egoteko hemen eta orain.
Eta hori dena egin ondoren, deskonektatzeko...
MARIA
Fedea eduki behar da, baina fedeari ere ekintzekin lagundu behar zaio pixka bat. Eta ez inoiz zeure burua axolagabetu.
Eskatzea libre da. Ezezkoa beti hor dago. Behintzat saiatu...
"EL BOCHA"
Ricardo Enrique Bochini
- Bocha, nolakoa da bizitzan magia edukitzea?
- Inor ez dagoen tokian jartzen zara, eta markatu gabe dagoenari ematen diozu!
Sinpletasunak eta praktikotasunak orienta gaitzake, sinpletasunean datza ez-ohikotasuna.
GRACIAS A DIOS/ ESKERRAK JAINKOARI
Eskerrak Jainkoari.
Gaur honaino iritsi naiz zurekin.
Eskerrik asko osasuntsu nagoelako.
Eta libre naizelako pentsatzeko.
Oinak, eskuak eta jatekoa ditudalako.
Eskerrik asko.
Egun zoragarria da, eskerrak Jainkoari, eguzkia atera da berriro.
Eskerrak lurrari, urari eta animaliei. Eskerrak naturari eta loreari.
Eskerrak sexuari eta maitasunari.
Eskerrik asko lurralde aberats, handi eta emankor honi.
Hemen hazi, hezi eta bizi izan naiz.
Hainbeste jaso dut eta jasotzen ari naiz, gaur bertan.
Hainbeste ilusio eta itxaropen ditut.
Eskerrak Jainkoari.
Eskerrik asko ohartzen hasi naizelako jasotzen dudan guztiaz.
Eskerrik asko hainbeste behar dudan ogiagatik eta jendeagatik,
eskerrik asko maitasun eskuzabala jasotzen dudalako.
Inork ez dit ezer zor, eta hala ere hainbeste daukat.
Eskerrik asko besteei lagundu dezakedalako.
Eskerrik asko ohartzen naizelako.
Nitaz idazten dut eta zuk irakurtzen duzu, eta sartzen uzten nauzu.
Eskerrik asko.
Gaur negar egin dut, barre, eman, sentitu, borrokatu, irabazi eta galdu ere bai, eta jarraitu dut.
Hori guztia gaur... eta gehiago!
Eta bihar!
Eskerrak Jainkoari.
Ohartzen naiz, eta gozatzen,
eta eskerrak ematen.
ESKERRIK ASKO BIZITZARI.
https://youtu.be/WyOJ-A5iv5I
YO NO CREO EN LAS BRUJAS/ NIK EZ DUT SORGINETAN SINESTEN
Batzuetan pentsatzen dugu norbait sorginkeri bat bota digula ( nire bikotea, nagusia, lagunak,
aingeruko guardak, medikuak...) baina dena ilusio bat da ( nirea)...
GAURKO EGUNA OSPATUKO DUT!
DE MIS AMIGOS ANONIMOS: OTRA DE "EL INGLES"
Pasatuko zait. Pasatuko zait hau ere. Pasatuko zait tristura eta bihozmin hau guztia. Dena pasatzen da.
PARA QUE ESTO/ ZERTARAKO NAGO
Zer egiten dakit?
Zer nahi dut?
Zertarako naiz?
Nago?
Zer egiten dut nire askatasunarekin?
Orain zer?
Zertarako gaude?
Zer egingo dut nirekin?
Nire bizitza, NI, osatzeak energiarekin du zerikusia, nire berotasunarekin, nire esentziarekin.
DARIT, neure erara, gustatzen zaidanera hurbiltzen naiz, ereiten dut, eta hazten da hazia neure baitatik.
Beti ni naiz.
Izan eta egon a tope
irekia eta askea
ni osoki izateko.
Ni neu izateko
nire argia eta berotasuna zabaltzeko
nire esentzia.
EL MIEDO NO ES TONTO/ BELDURRA EZ DA ERGELA
Denok dugu beldurra. Beldurra ezagutu- antzeman, onartu, barneratu, entzun, besarkatu eta EKIN!
Beldurra da seinale bat ezagutzeko ta horri aurre egiteko tresnak edo bideak hartu behar ditudala ohartzeko...
EL ALUD/ELUR-JAUSIA
Jainkoak eta bizitzak abisatzen dute, baina abisuak entzun behar dira, prefosta!
LA CUNA DE MADERA/ ZUREZKO SEHASKA
Noski hilko garela eta presta dezagun gure sehaska!
Utzi dezagun gure itzala -aztarna hemendik joatean.
ANGELICA
Negar egin negarrik ez dagoen arte, bizirik sentitzeko; negarrik ez egiteagatik hil daiteke-eta.
LA ASAMBLEA DEL CUERPO/ GORPUTZAREN ASANBLADA
Gure barneko atal bakoitzak ni naizen batasun bat osatzen dute, eta nigandik datozen abisu eta seinaleekin ez haserretu, baizik eta entzun.
LOS HOMBRES Y LAS MUJERES/ GIZONAK ETA EMAKUMEAK
Gizon-emakumeak askotan nahaspilatzen gara, gizon askok neurtzen
gehiago dakite gozatzen baino; eta emakume askok gehiago dakigu gozatzen
eta bihotzari kasu egiten neurtzen baino. Emakumeek neurtzen jakin
dezakegu eta gizonek gozatzen gehiago. DENOK ELKARRENGANDIK IKAS
DEZAKEGU.
(Argazkia: Etorne Haranburu)
EL PAR DE JORGE/ GORKAREN PAREA
Hainbeste opari eder egonik munduan,
neure inguruan gozatzeko,
zer egiten dut nik goibel?
Ez al da unea izango aldatzeko, irekitzeko, begirada zabaltzeko eta tokiz aldatzeko?
Denbora galtzen ari naiz eta uste dut aldatu behar dudala.
OTRA DE ANONIMOS... MAL DE MUCHOS, CONSUELO!
Elkarbanatu, zurekin zatitzen badut, errazago eramango dugu.
BARETASUNAREN OTOITZA
Jainkoa, emadazu baretasuna
aldatu ezin ditudan gauzak onartzeko;
ausardia
aldatu ditzakedan gauzak aldatzeko;
jakinduria
desberdintasuna ezagutzeko.
BOYO ME CONTÓ UN CUENTO/ BOYOK IPUIN BAT KONTATU ZIDAN
Nire bizitzaren erdia galdu dut beldurrez eta inoiz gertatu ez zena aurreikusten.
Zenbat arazo, borroka eta arrazoibide gertatzen da gure buruetan soilik, eta horrela oraina pobretzen dugu eta benetako harreman jatorrak galtzen ditugu...
BASTA, ME ENOJÉ/ ASKI, HASERRETU NAIZ
Nire itxarokizunak betetzen ez direnean, sutan -haserretzen- frustatzen naiz... egiten naiz. Besteak nire itxarokizunak betetzen ez dituenean haserretzen naiz, baina bestea ez dago nire itxarokizunak betetzeko.
Nahikoa! aspertu naiz haserrearekin. Egin dezagun gure haserreaz ikasketa bat.
YA ES DEMASIADO PARA MI / JADANIK GEHIEGI DA NIRETZAT
Nire sormenerako eta talenturako aukera handia dira gose pixka bat, lan apur bat, esperientzia falta pittin bat, eta estuasun pixkat, baita porrot pixka bat, frakasu pixkat, frustrazio pixkat eta bakardade pixka bat.
EL ULTIMO... O EN REALIDAD, TOMO II/ AZKENA... EDO EGIATAN, II.TOMOA
Orain niri egokitzen zait liburuarekin segitzea, nire kontakizunekin, ideiekin, emozioekin, pentsamenduekin, sentimenduekin, ekintzekin, txistekin, anekdotekin eta eraldaketekin.
"orain nire orrialdeak idatziko ditut"
